Kiơ̆ kơ Khŭl Sinh viên Việt Nam dêh char Dak Lak, lơ̆m dêh char dang ei đei hloh 12.500 sinh viên, lơ̆m noh đei 3.800 sinh viên kon kông tŏk bŏk kiơ̆ hŏk tơ̆ 12 hnam trưng đại học, cao đẳng tơ̆ dêh char.

Khei ‘năr âu, Khŭl sinh viên dôm anih jang lơ̆m dêh char Dak Lak tŏk bŏk bơ̆jang kiơ̆ pơtôch tơdrong khŭl păng tơdrong jang sinh viên sơnăm hŏk 2022-2023, tơ lĕch jang dôm tơdrong jang đơ̆ng Tơdrong jang hơdruh tơdăm năm jang tơgŭm pơyan he, hơmet ăn Tơdrong pơlong Olympic Mác - Lênin “Ánh Sáng Soi đường" păng ‘măng pơ long tơ̆ dêh char Tơdrong pơ long “Olympic nơ̆r Anh hŏk tro, sinh viên" ‘măng mă 3, kŭm nhen tơdrong jang vang hơ soang kơ Đak dơ sĭ vă jê̆ pơgơ̆r. ‘Măng âu, Trung ương Khŭl Sinh viên Việt Nam hlôi pơ jao 20 kơ suơ̆t hŏk ƀŏng, 1 kơ suơ̆t đei kơ jă 2 triệu hlak jên ăn dôm sinh viên kon kông hơgei đei lơ jơnei lơ̆m tơdrong jang đoàn, khŭl.