Kiơ̆ Tơchơ̆t năr 4/11/2023 đơ̆ng Thủ tướng teh đak, xah Nam Ka, apŭng Lăk jing minh lơ̆m 4 xah kơ dêh char Đăk Lăk đei sơkơ̆t jing xah An toàn khu kơ Trung ương lơ̆m khei năr iung tơblah Phalăng păng Mih. Atŭm hăm noh oei đei 3 xah nai noh: xah Ea Hiao, apŭng Ea Hleo; xah Cư Pui, apŭng Krông Bông păng Dliê Ya, apŭng Krông Năng. Hăm tơdrong hiôk đei bri să văr tăp dăr, xah Nam Ka hlôi jing anih pring vei, rong ‘me tơgŭm khul kăch mang, jing kăng kư̆ kăch mang kăp gĭt hăm 2 tơdrong tơblah kơ hơdrung hơdrĕch.    

Tơ̆ jơ lêh, Jơnŭm pơgơ̆r hlôi pơjao 23 tơpu tơmam ăn dôm bơngai hlôi vang tơblah, pơm jang lơ̆m tơring âu; rim unh hnam linh jĭ rơka, linh lôch tang ăn teh đak, bơngai tơgŭm jơhngơ̆m hăm kăch mang păng unh hnam rong ‘me đe kơdră kơpal lơ̆m khei năr iung tơblah sơ̆.