Sơnăm ‘nâu, dêh char Dak Lak tơlĕch tơdrong tơm thu mong jên jang iŏk đei 10.100 ti hlak jên. Mă lei, lơ̆m 5 khei blŭng sơnăm, thu mong jên jang teh đak ‘nao jô̆ pơ hlom bơ̆jang kiơ̆ đei hloh 3.400 ti hlak jên, tơ jur 13% pơtêng hăm khei ‘nâu sơnăm hơdrol. Tơdra hơdrol tơ̆ hơnăp kơnh, thu mong jên jang teh đak lơ̆m dêh char hơnơ̆ng tơ jră hăm lơ mơmat tat, long nol.

Mă lei hăm tơdrong khŏm hơdrin jang đang hơnăp jang thu mong jên jang teh đak sơnăm 2023, Anih vei lăng găh jên hu Dak Lak gô hơtŏk loi dơ̆ng vei lăng thu mong jên jang teh đak, iŏk jang đei yua dôm jên thu đơ̆ng anih mong jên teh, tơmam drăm lơ̆m teh. Hơtŏk loi dơ̆ng dôm trong jang hơlen lăng, dăr lăng lơ̆m tơdrong pơ hoach jên jang teh đak, Jang hơdai hăm Anih jang Thuê̆ dêh char tơtom jang tơgŭm ăn Anih vei lăng kon pơlei dêh char dôm trong jang hơtŏk loi dơ̆ng thu mong jên jang teh đak lơ̆m dêh char, vă vei sơđơ̆ng thu ƀlep, thu tôm, thu tơtom dôm tơdrong thuê̆ kiơ̆ tơdrong hơgăt lơ̆m jên jang teh đak.