Tơ̆ jơ bơ̆ jang, tang măt ăn Kơdră chĕp pơgơ̆r rim hơnih bơ̆ jang dêh char Dak Lăk hlôi pơma tơbăt hơdăh dôm tơdrong tơnap tap păng athei Trung ương lăng hơlen, hơmet pơ ‘lơ̆ng ăn atŏk tơ iung mŭk drăm tơpôl tơ̆ dêh char lơ̆m khei năr kơnh. Lơ̆m au apĭnh athei tơlĕch jang hơdrol ‘noh atŏk tơ iung trong nơnăm tơƀưh klŏh klĕch rim dêh char lơ̆m tơring Tây Nguyên.

Đei ƀơm truh jang kiơ̆ tơdrong jang tơm teh đak, rim nơ̆r tơgop athei Kuô̆k hô̆i lăng hơlen pơrô̆ athei rim hơnih tơm, hơnih bơ̆ jang hơnơ̆ng dăr lăng hơlen hla bơar bơ̆ jang khôi luơ̆t vă veh ver hơgrop. Tơ̆ jơ bơ̆ jang, rim kơdră tang măt jei chă pơma tơbăt lơ tơdrong đei ƀơm truh tơdrong jang: Mŭk drăm lơ̆m teh, ƀao hiêm, tư pháp, hơmet ming jên khei, hnam oei, đei iŏk yua sa hơpăh ăn bơngai jang, ƀiên chế ăn hơnih jang pơtho pơhrăm, bơ̆ jang pơprŏ, iŏk yua teh ... Khul kơdră tang măt Kuô̆k hô̆i dêh char Dak Lăk tơgoăt iŏk, akŏm nơ̆r tơgop vă pơtruh ăn Kuô̆k hô̆i păng rim Hơnih tơm lăng hơlen.