

Jang ‘lơ̆ng bơ̆ jang hơlen băt hơdăh jơhngơ̆m đon drŏ kăn đơ̆ng tơring vă iung jang pơchoh trong, tơlĕch jang jơnei rim tơdrong jang. ‘Nou jing tơdrong đei pơma dơnuh tơ̆ Hop akŏm tơbăt dih băl dôm trong jang hơ iă, tơlĕch rim trong bơ̆ jang hơlen băt hơdăh jơhngơ̆m đon rim bơngai lơ̆m khul, drŏ kăn tơ̆ tơring sơnăm 2025 pơgơ̆r kơsơ̆ năr 21/3 tơ̆ Dak Lăk. 5 sơnăm ou ki, rim khul drŏ kăn tơ̆ Dak Lăk hlôi xek tơlang keh đang 2.000 tơdrong đei ƀơm truh drŏ kăn, hơ ioh, vei kơjăp, lang să hloh 300 trong jang, khul jang iŏk đei jơnei. Đơ̆ng noh pơtrŭt ăn pơmai oh hơlen kơtơ̆ng ang păng tơbăt ăn tơpôl tơtom, trŏ ƀlep, tơgop tơ iung pơjing pơlei pơla oei sa ‘lơ̆ng hơ iă. Tơ̆ Hop akŏm, bơngai tang măt jei tơƀôh tơbăt dôm trong jang vă ƀôh hrôih dôm tơdrong đei ƀôh ou to nhen tơdrong chă tơhil dih băl, ưh kơlăp dih băl dăh mă dôm tơdrong pơm ăn truh pơm ưh sơđơ̆ng. Đơ̆ng noh tơlĕch trong tang găn hơlou, iung jang tang găn dôm tơdrong kơtơ̆ng ang glăi, hơlĕch pơdăr, pơma kơnê̆, pơm kơnê̆ truh tơ̆ drŏ kăn.
Viết bình luận