Đơ̆ng sơnăm 2019 truh dang ei, dêh char Dak Lăk hlôi pơgơ̆r kĭ pơkăp tơgoăt jang hơdoi tơmang pơhiơ̆ hăm lơ dêh char, pơlei tơm lơ̆m teh đak, akŏm lơ̆m 4 tơdrong ‘noh; Pơtrŭt, tơƀôh tơbăt tơmang pơhiơ̆; tơbăt dih băl kơtơ̆ng ang găh trong jang atŏk tơ iung tơmang pơhiơ̆, pơprŏ păng krao hơvơn tơmơ̆t jên jang; atŏk tơ iung tơmam tơmang pơhiơ̆; pơtho pơhrăm khul jang tơmang pơhiơ̆. Iung jang hơdoi hăm rim tơring jang kiơ̆ rim jơnum kơchơ tơmang pơhiơ̆ apŭng plĕnh teh rim sơnăm; tơbăt dih băl kơtơ̆ng ang, tơgoăt trang kơtơ̆ng ang điên tư tơmang pơhiơ̆, rim mạng tơpôl; rim khei pơgơ̆r pơma dơnuh dih băl găh jang kiơ̆ rim tơdrong jang hơdoi hlôi kĭ pơkăp; iung jang hơdoi, tơmơ̆t jên jang tơ iung pơjing păng iung jang rim tuor tơmang pơhiơ̆ ... Gơnơm lơ loh, lơ̆m 5 sơnăm ou ki dêh char hơvơn đei 5 triu 600.000 ‘nu tơmoi, jang sa iŏk đei vă jê̆ 4.300 ti hlak jên. Tơ̆ Hop akom, bơngai tang măt hlôi pơma dơnuh, tơbăt dih băl dôm trong tơlĕch jang kiơ̆ iung jang hơdoi ƀar păh 2 dêh char, 3 dêh char, tơƀôh hơdăh dôm tơdrong jang tim mă ‘lơ̆ng, tơhlăk tơhlĭn, đơ̆ng noh apĭnh pơjing ăn trong jang ‘lơ̆ng vă atŏk kơtang bơ̆ jang ‘lơ̆ng lơ̆m tơgoăt, jang hơdoi dih băl.