Lơ̆m hop akŏm, rim bơngai tang măt hlôi hơlen, xơkơ̆t hơdăh păng hơlen dôm hla bar chih tơbang păng chih akŏm tơchơ̆t hơmet jên mong kơ tơring ăh xơnăm 2021; kơjă tơmam drăm, tơdrong ming man pơnơ̆ đak xơnăm 2022 hăm ming man pơnơ̆ đak iŏk yua jên mong kơ Teh đak lơ̆m tơring teh kơ dêh char; tơchơ̆t hơdăh găh jên axong iŏk jang hăm dôm anih gơ̆t hơmet grŏnh kiơ̆ tơchơ̆t, tơdrong jang gơ̆t grŏnh ma twĭ kơdih tơ̆ unh hnam, pơlei pơla, anih akŏm gơ̆t grŏnh ma twĭ păng vei lăng đơ̆ng rŏng kơ gơ̆t grŏnh ma twĭ lơ̆m dêh char; tơchơ̆t tơgŭm hăm đe ngê̆ nhơ̆n tơ̆ dêh char Đăk Lăk, jăl xơnăm 2023 – 2025. Tơ̆ 'măng hop akŏm âu adoi tơlĕch pôk hơmet kơchư̆k Phŏ kơdră Anih jang vei lăng kon pơlei dêh char hăm ƀok Nguyễn Thiên Văn, jang lơ̆m Tĭnh wi, Ƀĭ thư hwên wi, Kơdră Hô̆i đŏng kon pơlei apŭng Ea Súp. Hăm kơsô̆ kơphĭu pôk đei 98,5%, ƀok Nguyễn Thiên Văn đei pôk jang kơchư̆k Phŏ kơdră Anih jang vei lăng kon pơlei dêh char jăl 10, jăl jang  2021 – 2026.