Lơ̆m dêh char Đắk Lắk pơjing đei hlŏh 1.000 grŭp jang găh kơmăy sô̆ lơ̆m tơpôl tơ̆ dôm pơlei pơla, kueng kơphô̆ hăm hlŏh 7.200 ‘nu bơngai jang. Lơ̆m kơsô̆ 25 tơdrong hơgăt tơm găh tơplih hăm kơmăy sô̆, đei 16 tơdrong hơgăt hlôi jang đang adrol kơ năr pơkăp. Kăl loi, tơdrong jang atŏk tơiung mŭk drăm kơsô̆ păng tơpôl kơsô̆ đei Đắk Lắk tơlĕch jang đei yoa ‘lơ̆ng.

Truh dang ei, lơ̆m dêh char đei hlŏh 1.700 tơmam đei tĕch mơdro hăm điên tư; đei vă jê̆ 43.000 ‘măng tĕch mơdro hăm điên tư, dơ̆ng mă 5 lơ̆m teh đak. Hơdai hăm dôm tơdrong ‘lơ̆ng, tơdrong tơplih hăm kơmăy sô̆ tơ̆ Đắk Lắk oei đei 1,2 tơdrong tam mă hơiă ‘năi nhen atŏk tơiung anih jang hăm kơmăy sô̆ tơ̆ tơring hơtăih yăih oei đei lơ tơdrong pơmat tat, tơmam kơmăy kơmŏk vă pơvih ăn tơdrong jang kiơ̆ trong tơplih hăm kơmăy sô̆ tơ̆ 1,2 anih jang, tơ̆ apŭng, tơ̆ xăh ưh tam mă ‘lơ̆ng.