Rim kơdră tang măt Jơnum vei lăng kon pơlei dêh char Dak Lăk pơdrơ̆ng kiơ̆ Tơdrong tơchơ̆t.

Lăp đơ̆ng rŏng lăng hơlen, pơma dơnuh, Jơnum vei lăng kon pơlei dêh char Dak Lăk hlôi pơdrơ̆ng kiơ̆ Tơdrong tơchơ̆t akŏm jing mĭnh 2 tơring, 2 phương păng hơmet ming hơgăt groi teh, măt bơngai kon pơlei hăm 2 tơring. Mă hơdăh, tơ̆ apŭng Krông Bông gô iung jang akŏm jing mĭnh tơring Hòa Tân mơ̆t lơ̆m tơring Hòa Thành. Lăp đơ̆ng rŏng tơmơ̆t jing mĭnh ‘noh iŏk hơnăn tơring Hòa Thành. Tơ̆ thĭ xah Buôn Hồ, mĭnh păh kơ tơring Ea Blang gô mơ̆t lơ̆m tơring Ea Drông. Pă mĭnh păh ‘noh tơmơ̆t lơ̆m tơring Ea Siên. Tơ̆ pơlei tơm Buôn Ma Thuột gô tơmơ̆t jing mĭnh kơ Thắng Lợi hăm phương Thành Công đei jing phương Thành Công ‘nao. Tơmơ̆t jing mĭnh kơ phương Thống Nhất hăm phương Tân Tiến đei jing phương Tân Tiến ‘nao. Atŭm hăm ‘noh, dêh char gô hơmet ming 1 păh hơgăt groi teh, măt kon pơlei kơ tơring Ia Rvê, apŭng Ea Súp mơ̆t lơ̆m tơring Ia Lốp, apŭng Ea Súp.