Mă đơ̆ng tơdrong jơnei tŏk 1,7% pơtêng hăm sơnăm 2023, mă lei Dak Lăk oei lơ̆m khul rim dêh char đei điêm pơlong tŏ sĕt hloh lơ̆m teh đak. Mă hơdăh, điêm jô̆ hơtŏ kơ rim môn pơlong kơ dêh char Dak Lăk ‘noh 6,194 điêm, dơ̆ng mă 61 lơ̆m 63 dêh char, pơlei tơm. ‘Nou jei sơnăm mă 3 hơnơ̆ng dêh char găh lơ̆m khul tuch luch hơlen điêm pơlong lĕch ‘măng khoă jăl pêng.

Tơblang hơdăh găh tơdrong ou, mĭnh ‘nu kơdră chĕp pơgơ̆r Hơnih vei lăng hnam trương pơtho pơhrăm dêh char Dak Lăk akhan, tơdrong pơtho păng hŏk pơhrăm kơ dêh char hrei ou oei tim gan gơ̆h hơgei. Mĭnh ƀar hnam trương tim gan jang ‘lơ̆ng pơgơ̆r hơlen tơdrong hŏk pơhrăm, hơmet ăn ‘măng pơlong lĕch ‘măng khoă jei pơm ăn tơdrong pơlong tim mă trŏ lăp hăm jơhngơ̆m đon hơpơi ‘meh vă.