Tam mă truh 1 giĕng dơ̆ng ‘noh ‘măng pơlong tốt nghiệp THPT sơnăm 2023 gô pơtơm pơgơ̆r. Dôm hnam trưng THPT tơ̆ dêh char Dak Lak hlôi jang đang dôm tơdrong hơtuch, vă vei sơđơ̆ng ‘măng pơ long pơgơ̆r sơđơ̆ng, ‘lơ̆ng. ‘Măng pơlong tốt nghiệp THPT sơnăm ‘nâu, dêh char Dak Lak đei 33 hơnih pơlong hăm hloh 21.100 hŏk tro vang pơlong, đei vă jê̆ 3.000 kang ƀô̆, thây kô lăng pơ long, dăr lăng păng pơvih pơvăn tơ̆ dôm hơnih pơlong.

Ƀok Phạm Đăng Khoa, Kơdră Anih vei lăng pơtho pơhrăm dêh char Dak Lak tơbăt: Anih jang hlôi pơjing dôm khŭl dăr hơlen, hơlen lăng hơdrol kơ ‘măng pơlong găh dôm tơdrong hiôk vei sơđơ̆ng ăn ‘măng pơlong; pơhrăm tơdrong jang ăn kang ƀô̆ lăng pơlong; hơtŏk loi dơ̆ng tơdrong jang tơroi tơbăt vă tơroi tơtom, tôm găh dôm tơdrong ‘nao lơ̆m ‘măng pơ long truh hăm thây kô pơ tho păng hŏk tro. Jang hơdai kơ jăp hăm dôm anih jang kơchăng pơjing dôm trong jang vei sơđơ̆ng ăn ‘măng pơ long đơ̆ng rŏng tơdrong ưh kơ sơđơ̆ng tơ̆ apŭng Cư Kuin âu ki.