Lơ̆m sơnăm 2024, dêh char Đắk Lắk đei trong pơtăm 1.817ha ‘long bri păng 200.000 tơnơm ‘long răh rai. Dôm kơloăi ‘long đei pơtăm ‘nŏh: ‘long tơgiĕr, pang, dổi, ‘long tơxa păng ‘long keo. Tơdrong pơtăm ‘long bri đei tơlĕch đơ̆ng blŭng khei 5, pơtơm đơ̆ng blŭng pơyan ‘mi. 

Kiơ̆ Anih vei lăng bri ‘long dêh char Đắk Lắk, đơ̆ng rŏng 2 khei tơlĕch jang, dôm tơring păng tơ ‘ngla bri hlôi pơtăm đei truh 1/3 tơdrong hơgăt, iŏk đei dang 600ha bri ‘long păng hlŏh 15.000 tơnơm ‘long răh rai. Hăm tơdrong pơtăm thoi âu, trong pơtăm ‘long bri păng ‘long răh rai gô jang đei păng lơ hlŏh kơsô̆ hơgăt đei tơlĕch.