Tơ̆ hop akŏm, rim bơngai tang măt pơtruh minh ƀar trong jang đei jơnei tơdrong hơlen, pơkăp kih luơ̆t lơ̆m Đảng 6 khei pơtoi kơ noh.

Lơ̆m noh, tơrĕk gah tơdrong hơlen băt lơ̆m tơring, tơdrong mă ƀônh đei pơm glăi vă tơlĕch hơlen dôm tơdrong ƀôh pơm yoch hăm anih jang đảng păng đảng viên; hơtŏk hloh dơ̆ng tơdrong jang hadoi lơ̆m tơroi tơbăt đơ̆ng Anih jang hơlen hăm dôm anih jang Đảng, anih jang teh đak vă sek hơlen kih luơ̆t kan ƀô̆, đảng viên pơm yoch, tơtom hơmet kih luơ̆t Đảng hăm kih luơ̆t hanh chĭn, jơnŭm tơpôl; pơm kơđeh khei năr sek tơlang dôm tơdrong pơm yoch glăi.