Đắk Lắk: Hơtŏk tơdrong vei lăng tơring sơlam adrol, lơ̆m păng đơ̆ng rŏng kơ Tết Nguyên đán Giáp Thìn
Thứ sáu, 14:16, 02/02/2024
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar - Pă hlŏh 1 giĕng dơ̆ng ‘nŏh truh Tết Nguyên đán Giáp Thìn, Anih chĕp kơ̆l pơgơ̆r khul linh vei lăng tơring sơlam Đắk Lắk hlôi păng oei pơtho ăn dôm kơđông linh linh vei lăng tơring sơlam, Tiểu đoàn pơtâp pơhrăm – Năm bơ̆ jang pơtruh tôm khul linh păng tơlĕch trong kơchăng tơblăh vei lăng tơdrong sơđơ̆ng tơ tơring sơlam teh đak, tang găn dôm tơdrong mât lĕch glăi luơ̆t tơ̆ tơring sơlam păng tang găn rim bơngai pơm glăi tơ̆ tơring sơlam vă kon pơlei sơng xa Têt chơt hơiă.
Dêh char Đắk Lắk đei trong sơlam kơjung hlŏh 71 km găh 2 apŭng sơlam Ea Súp păng Buôn Đôn, tơtil hăm dêh char Mundulkri, teh đak Campuchia. Ƀlep ƀât ‘măng mă âu, dôm khul linh ƀô đô̆i vei lăng tơring sơlam hơtŏk tơdrong dăr lăng, pơjing trong pơtâp pơhrăm, kơchăng tơblăh; hơtŏk tơdrong dăr joang, vei kơjăp tơring sơlam, mă loi tơ̆ dôm tơring krê đei tơdrong pơm glăi tơ̆ tơring sơlam; tang găn bơngai mât lĕch glăi luơ̆t, tơdrong pơm glăi đơ̆ng dôm khul pơm yoch.
Viết bình luận