‘Măng pơlong yua đơ̆ng Kŏng ti tơm jang găh ŭnh điên Tơring tŏk bŏk tơlĕch jang đơ̆ng khei 12/2023 truh khei 3/2024 tơ̆ 13 dêh char pơlei tơm lơ̆m tơring Tŏk bŏk -Tây Nguyên. Lơ̆m akŏp kơsô̆ hloh 58.000 ƀai vang pơlong tơ̆ 3 tơdrong (chhơ̆ rup, video clip pơma tơroi păng video tơroi tơbăt), tơ̆ Đắk Lắk đei vă jê̆ 10.100 ƀai. Pơtôch dêh char iŏk đei 2 jơnei kơjung.

Mă hơdăh, oh Vi Thị Thu Hà, lăm 5A, Hơnih Tơgŭm hơtŏk tơiung pơtho pơhrăm păng mơ̆t oei hơdai hơioh jo jăn dêh char Đắk Lắk iŏk đei jơnei 2; bre oh Ngô Bảo Nam păng Nguyễn Gia Hân, hnam trưng hŏk jăl 1 Lê Lợi (apŭng Cư Mgar) iŏk đei jơnei pơ chhơp jơhngơ̆m, kŭm tơ̆ tơdrong pơm video clip pơma tơroi. Kŭm hăm 2 jơnei kơdih yua đơ̆ng Kŏng ti tơm jang găh ŭnh điên Tơring tŏk bŏk pơjao tơmam hơdăh, Anih jang ŭnh điên Đắk Lắk kŭm hơpăh ăn kơ 2 hnam trưng đei hŏk tro iŏk đei jơnei.