Kiơ̆ tơchơ̆t, 2 anih jang gô jang hadoi lơ̆m tơdrong chih akŏm tơlĕch tơdrong jang vă vei sơđơ̆ng asong unh hơyuh, pơkom unh hơyuh păng tơjur ƀiơ̆ răm gah unh hơyuh; hơdrin rim sơnăm pơkom đei 2% unh hơyuh yua tơ̆ Đăk Lăk. Ƀar pah gô hơtŏk pran dôm tơdrong tơroi tơbăt, pơkom unh hơyuh; tơgŭm ăn Anih jang vei lăng kon pơlei dêh char pôk hơpah ăn dôm bơngai jang, anih jang tơnăp păng đei trong sek tơlang tơnăp hăm dôm anih pơm glăi tơchơ̆t pơkom unh hơyuh.

Anih jang Kŏng thương dêh char Đăk Lăk păng Anih jang Unh hơyuh Đăk Lăk adoi pơtoi chă hơlen lăng tơdrong yua unh hơyuh hăm dôm anih jang mă yua dơnơm gah unh hơyuh. Tơ̆ anăp, 2 anih jang hlôi tơlĕch pơm kiơ̆ tơdrong pơlong “Unh hnam pơkom unh hơyuh sơnăm 2024”, hăm tơchơ̆t pơjing um rŭp unh hnam đei tơdrong hơrih tơnăp ‘lơ̆ng, hơgei lơ̆m tơdrong yua pơkom unh hơyuh, đei jơnei tơnăp.