Đăk Lăk kơchăng tang găn păng pĭt unh xa ah khei tơm pơyan phang
Thứ bảy, 06:00, 24/02/2024
VOV Tây Nguyên/Lan chih tơblơ̆
VOV Tây Nguyên/Lan chih tơblơ̆
VOV4.Bahnar – Dêh char Đăk Lăk đei hloh 497.000 hectar bri, lơ̆m noh 413.000 hectar bri hon kơdih păng hloh 83.000 hectar bri pơtăm. Ah khei tơm kơ pơyan phang, dôm khul jang tơ̆ Đăk Lăk tŏk bŏk oei hơtŏk kơtang tơdrong jang tang găn păng pĭt unh xa bri.
Kiơ̆ kơ noh, rim anih jang, rim tơring păng tơ-‘ngla bri lơ̆m dêh char Đăk Lăk pơtoi hơtŏk chă tơroi tơbăt, hơtŏk hlôh vao, pơm kiơ̆ tơnăp luơ̆t tơchơ̆t ăn đe kan ƀô̆, bơngai jang păng kon pơlei gah tơdrong jang vei lăng bri, tang găn păng pĭt unh xa bri.
Kơchăng dôm trong jang vă tang găn păng pĭt unh xa bri mă trŏ ƀlep hăm tơdrong đei ƀôh tơ̆ tơring; tơtom ƀôh băt sek tơlang, ưh đei lê̆ unh xa rok truh anih nai... Mă kăl tơ̆ dôm apŭng nhen Ea H’leo, Ea Súp, Ea Kar, Buôn Đôn…lơ hơgăt bri ƀônh ƀơm unh xa hli hlơt. Anih jang hlôi kơchăng jang atŭm hăm rim tơring, rim tơ-‘ngla bri păng kon pơlei hơrih tơjê̆ bri hơtŏk pran tơdrong jang tang găn păng pĭt unh xa bri.
Viết bình luận