Kiơ̆ trong jang “Răp mơ̆ng păng bơ̆ jang”, tơ̆ hop akŏm pơma  dơnuh hăm Bơngai pơdro kơ dêh char Đắk Lắk sơnăm 2023 đei pơgơ̆r lơ̆m ‘năr 19-10, kơdră chĕp kơ̆l dêh char chih iŏk lơ nơ̆r tơgop đơ̆ng dôm bơngai pơdro, lơ̆m nŏh đei lơ tơdrong tơtŏ mă dêh char oei chă trong hơmet pơ ‘lơ̆ng.

Kiơ̆ nơ̆r tơroi tơ̆ hop akŏm, truh dang ei lơ anih tĕch mơdro tơ̆ Đak Lak kơchăng, adrin hơmet pơ ‘lơ̆ng dôm tơdrong pơmat tat, hơtŏk tơdrong jang xa, tĕch mơdro, vei lăng ‘lơ̆ng tơdrong arih xa ăn bơngai jang. Mă lei, tơdrong pơm hla ar vei lăng oei hơnơ̆ng jing tơdrong mă dôm anih tĕch mơdro tơ̆ dêh char ưh đei lăp đon.

Đơ̆ng rŏng chă mơ̆ng nơ̆r pơma đơ̆ng anih tĕch mơdro păng dôm tơdrong đei tơl tơblang đơ̆ng kơdră chĕp kơ̆l anih jang kơpal, ƀok Phạm Ngọc Nghị, Kơdră Anih vei lăng kon pơlei dêh char Đắk Lắk hlôi tơl tơblang tôch hơlen hăm 1,2 tơdrong mă anih tĕch mơdro tơlĕch nơ̆r pơma. Atŭm hăm ‘nŏh athei dôm anih jang kơpal adrin hlŏh dơ̆ng lơ̆m tơdrong tơgŭm ăn anih tĕch mơdro.