Tơdrong pơm ou đei jang lơ̆m khei năr tơ̆ lơ tơdrong hop akŏm khei năr tơjê̆ ou kơ Tĭnh uy păng Anih jang vei lăng kon pơlei dêh char, tơdrong mă kan ƀô̆ bơngai jang tơ̆ minh ƀar jơnŭm pơgơ̆r apŭng, xah ưh đei drơ̆ng minh lơ̆m tơdrong pơgơ̆r jang, pơhơi hăm tơdrong jang, đon tơchĕng “gô tơmơ̆t hơdai”, hlôi đei kơdră dêh char tơblang hơdah păng pơkăp kơjăp. Minh ƀar tơring oei đei ƀôh veh ver pơhơi hăm sơnong jang đei pơjao, ưh đei tơgŭm pơm jang, pơrăm truh tơdrong pơkăp hơmet pơ-'lơ̆ng pơm jang kơ anih jang đơ̆ng rŏng kơ tơmơ̆t hơdai.

Hăm tơdrong đei ƀôh ou, Anih jang vei lăng kon pơlei dêh char Đăk Lăk pơgơ̆r rim anih jang akŏm sek tơlang keh đang tơdrong oei tơhlăk, vei sơđơ̆ng jơnŭm pơgơ̆r jang hanh chĭn 'nao tơlĕch pơm jang 'lơ̆ng, đei jơnei đơ̆ng blŭng hloi.