Kiơ̆ kơsô̆ tơroi đơ̆ng Anih vei lăng kon pơlei dêh char Đắk Lắk, đơ̆ng 2016 - 2020, Đắk Lắk sơng đei 329 tơdrong tơmât jên jang găh lơ tơdrong, hăm kơsô̆ jên jang truh 57.000 ti. Jô̆ păh lăp lơ̆m jăl ‘nâu, 1 sơnăm dêh char đei 65 tơdrong jang đei ƀơk ăn hla ar jang, hăm kơsô̆ jên hlŏh 11.400 ti. Mă lei đơ̆ng sơnăm 2021 truh dang ei, jơ̆p lơ̆m dêh char lăp đei 48 tơdrong jang đei ƀơk ăn hla ar asong tơmât jên jang, hăm kơsô̆ jên 28.000 ti, jô̆ păh lăp 1 sơnăm lăp đei 16 tơdrong jang, akŏm đĭ đăng jên jang dang hlŏh 9.000 ti.

Tơdrong tơm pơm tơjur tơdrong jang păng jên tơmât jang tơ̆ dêh char lơ̆m 3 sơnăm âu ki ‘nŏh yoa đơ̆ng COVID-19, tơdrong jang mŭk drăm lơ̆m apŭng plenh tĕh păng lơ̆m teh đak đei lơ tơdrong jur tŏk; lơ anih tĕch mơdro tih tơƀâp pơmat tat, oei anih tĕch mơdro iĕ păng păh lăp ‘nŏh ưh tam pơjing đei tơdrong jang tih, kơna tơdrong jang xa kŭm tam mă pran ‘lơ̆ng.