Dak Lak: ‘Măng thi tốt nghiệp THPT 2023 đei pơgơ̆r sơđơ̆ng ‘lơ̆ng
Thứ sáu, 11:10, 30/06/2023
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar - ‘Măng thi tốt nghiệp THPT 2023 tơ̆ dêh char Dak Lak đei pơgơ̆r sơđơ̆ng ‘lơ̆ng, ƀât mă ưh đei hŏk tro dăh mă bơngai lăng thi yơ pơm glăi tơdrong hơgăt.
Lăp đơ̆ng rŏng pơgơ̆r thi tốt nghiệp THPT 2023 đang, kơsơ̆ 29/6, Anih vei lăng pơtho pơhrăm dêh char Dak Lak, pơgơ̆r hôp roi tơbăt găh tơdrong thi. Kiơ̆ kơ ‘nŏh, tơ̆ dêh char đei hlŏh 142.000 ‘nu hŏk tro chih măt thi 12 môn, kơsô̆ bơngai vang thi đei 99,58%, đei 598 ‘nu hŏk tro hŭt thi.
Kiơ̆ yă Lê Thị Kim Oanh, Phŏ Kơdră vei lăng pơtho pơhrăm dêh char Dak Lak, ‘măng thi sơnăm ‘nâu đei pơgơ̆r sơđơ̆ng, tơpăt ‘lơ̆ng ưh đei hŏk tro păng kăn ƀô̆ lăng thi yơ pơm glăi. Tơdrong jang hơdoi đơ̆ng dôm khul jang kơpal tôch ‘lơ̆ng, mă loi jĭ tơdrong vei lăng sơđơ̆ng đơ̆ng khul linh công an lơ̆m dôm năr pơgơ̆r thi.
Viết bình luận