Đăk Lăk – Phú Yên jang hadoi kơjăp lơ̆m pơkăp anih jang hăn chĭn
Thứ sáu, 14:17, 25/04/2025
Lan chih tơblơ̆
Lan chih tơblơ̆
VOV4.Bahnar – Tơ̆ 'măng Hop akŏm Ƀan châ̆p hăn Đảng ƀô̆ dêh char Đăk Lăk ah năr 24/4, rim bơngai tang măt hlôi tơgop nơ̆r gah tơdrong pơkăp, tơmơ̆t hơdai anih jang hăn chĭn păng minh ƀar tơdrong kăp gĭt nai. Kiơ̆ tơlĕch jang, Đăk Lăk gô tơjur đơ̆ng 180 oei pă 68 anih jang hăn chĭn tơ̆ xah, đei jơnei 62,22% kiơ̆ Tơchơ̆t 60-NQ/TW.
Gah pơlei tơm Buôn Ma Thuột gô pơkăp oei 5 phương păng 1 xah. Hop akŏm adoi drơ̆ng nơ̆r gah tơdrong tơmơ̆t hơdai dêh char Đăk Lăk păng Phú Yên, pơjing dêh char oei lơ̆m Trung ương, hăm anih tơm jang hăn chĭn tơ̆ Đăk Lăk. Đơ̆ng rŏng kơ tơmơ̆t hơdai, anih jang hăn chĭn 'nao đei hloh 18.000 km² teh să, kơsô̆ măt kon pơlei hloh 3,3 triu 'nu hăm 102 anih jang xah.
Sơkơ̆t pơtôch hop akŏm, Ƀĭ thư tĭnh uy Nguyễn Đình Trung pơgơ̆r rim anih jang kơ Đăk Lăk jang hadoi kơjăp hăm Phú Yên vă tơlĕch jang đei jơnei tơdrong jang, mă kăl noh gah asong anih jang, gre vih vơ̆t păng anih oei ăn kăn ƀô̆ Phú Yên tŏk pơm jang tơ̆ Đăk Lăk.
Viết bình luận