Kơdră teh đak bơ̆n Lương Cường sơng Ƀô̆ trương dôm tơdrong jang Ngĭ viê̆n păng kon pơlei kon kông Ấn Độ
Thứ tư, 14:14, 07/05/2025
Lan chih tơblơ̆
Lan chih tơblơ̆
VOV4.Bahnar – 'Năr brei (6/5), tơ̆ pơlei tơm Hồ Chí Minh, Kơdră teh đak bơ̆n Lương Cường hlôi sơng ƀok Kiren Rijiju, Ƀô̆ trương dôm tơdrong jang Ngĭ viê̆n păng kon pơlei kon kông Ấn Độ ƀơ̆t 'măng Ƀô̆ trương năm akŏm Lêh tih Phật đản Liên hơp kuôk (Vesak).
Tơ̆ jơ sơng, Kơdră teh đak bơ̆n Lương Cường pơtruh nơ̆r athei hơtŏk pơma đam, tơroi gah tơdrong hlôh vao lơ̆m chih akŏm khôi luơ̆t, mă kăl noh hlôh vao gah pơklaih dôm tơdrong tơhlăk tơhlĭn lơ̆m khôi luơ̆t vă hơtŏk pơm jang kơ 2 teh đak.
Ƀar pah drơ̆ng nơ̆r hơtŏk kơtang hloh lơ̆m tơdrong jang mŭk drăm, tĕch pơdro păng asong jang, tơgăl hăm mŭk drăm kơ 2 teh đak adoi nhen tơdrong Tơbôl jang Hadoi Tôm tơdrong. Ƀar pah adoi drơ̆ng nơ̆r gô hơtŏk hloh dơ̆ng jang hadoi păng tơgŭm dih băl lơ̆m dôm tơdrong hop akŏm lơ pah.
Viết bình luận