Kiơ̆ nơ̆r tơroi lơ̆m hop akŏm, khei 4, tơdrong jang mŭk drăm oei tŏk hơnơ̆ng, mŭk drăm lơ̆m teh đak sơđơ̆ng ‘lơ̆ng, kơjă tơmam đei vei lăng kơjăp, dôm tơdrong tih đei vei lăng, bơ̆ jang ‘lơ̆ng, lơ tơdrong hơgăt jang đei ‘lơ̆ng ƀiơ̆ kơ khei adrol ki păng khei âu sơnăm sơ̆. Tơdrong jang kơmăy tŏk vă jê̆ 9%; akŏm đĭ đăng jên tĕch lơ tơmam păng iŏk yoa đơ̆ng pơvih pơvăn tŏk hlŏh 10%…

Tơ̆ Hop akŏm, Thủ tướng Phạm Minh Chính pơma hơdăh đon adrin, khŏm jang kiơ̆ păng kơchăng, hơlĕch hơbal, gơ̆h hơgei lơ̆m tơdrong chĕp kơ̆l pơgơ̆r vă bơ̆ jang đei dôm tơdrong jang tih, gĭt kăl – ‘nŏh jĭ jang tŏk mŭk drăm, vei lăng ‘lơ̆ng kơjă tơmam, vei sơđơ̆ng tơdrong jang mŭk drăm lơ̆m teh đak păng vei lăng ‘lơ̆ng tơdỏng arih xa tơpôl....

Găh dôm tơdrong jang, trong vă jang tơm tơ̆ hơnăp kơnh, Thủ tướng athei hơmet mă ‘lơ̆ng, pơvih mă hơlen ăn Hop akŏm mă 9 kơ Quốc hội. Thủ tướng oei athei hơnơ̆ng hơmet ming pơ ‘lơ̆ng trong pơgơ̆r, tŏ sĕt bơngai, hơmet mă ‘lơ̆ng khul bơngai jang, hơtŏk tơdrong hơmet ming trong pơm hla ar, tơplih hăm kơmăy sô̆. Ƀok athei dôm anih tơm, anih jang kơpal, tơring tơrang lơ̆m sơnăm 2025 kăt tơjur tŏ sĕt hlŏh ‘nŏh 30% jơnăr pơm hla ar vei lăng; hŭt lê̆ tŏ sĕt hlŏh ‘nŏh 30% tơdrong hơgăt vă tĕch mơdro...