Thủ tướng lăng ‘lơ̆ng jơnei jơ̆p plei teh đơ̆ng PowerChina, lơ̆m noh đei lơ tơdrong jang đei yua tơ̆ Việt Nam. Thủ tướng pơma hơdăh tơdrong pơvei tơbôl, jang hơdai gĭt kăl tôm tơdrong Việt Nam - Trung Quốc tŏk bŏk pơm tơdrong hiôk vă anih mơdro sa 2 teh đak hơtŏk loi dơ̆ng jang hơdai ‘lơ̆ng, vang đei yua.

Thủ tướng ‘meh vă PowerChina hơnơ̆ng tơmơ̆t jên jang lơ̆m dôm tơdrong jang nhen ŭnh hơyuh rơgoh, anih jang gĭt kăl, mă loi ‘noh jĭ trong gre treng anih kơdrơ̆m, tơgŭm hơdrol trong Hải Phòng – Hà Nội – Lào Cai. Kơdră Châu Gia Nghĩa roi tơbăt PowerChina hlôi ming man hloh 2.000 km trong gre treng lơ̆m apŭng plĕnh teh, đei tơdrong hlôh vao iŏk jang hloh 100 tơdrong tơ̆ Việt Nam, khŏm jang hơdai hăm 4 anih mơdro sa Việt vă tơlĕch jang pơm dôm jăl trong gre treng tơm.