Tơdrong pơtâp pơhrăm akŏm găh dôm tơdrong nhen: Tơdrong tơgŭm ăn kon kông; tơdrong juăt jŏh ayŏ kơ dŏ xoang, tơpôl, lui kơ yang pơ ‘nhang hơdrĕ, tơdrong juăt arih xa; anih jang chinh trĭ tơ̆ tơring; vei lăng sơđơ̆ng ‘lơ̆ng teh đak; hơnăp jang đơ̆ng khul linh mưh sek tơlang dôm tơdrong krê hơmơt tơ̆ tơring kon kông păng groi kông.

Lơ̆m jơnăr pơtâp pơhrăm, bơngai kiơ̆ hŏk vang pơhrăm bơ̆ jang lơ̆m dôm grŭp krao hơvơn kon pơlei păng pơma đam “Tơguăt hơdai unh hnam” tơ̆ Binh đoàn 15, hơlen năng tơdrong jang roi tơbăt, jŏh ayŏ kơ dŏ xoang tơ̆ xăh Ia Pnôn, apŭng Đức Cơ, dêh char Gia Lai, pơma nuh găh tơdrong juăt bơ̆ jang dôm tơdrong ƀơm truh hơdrĕch kon kông păng dôm tơdrong jang tơm kơ teh đak găh atŏk tơiung mŭk drăm, tơpôl tơ̆ tơring kon kông, groi kông.