Tơ̆ jơ pơma đam, Tổng Bí thư Tô Lâm pơma hơdăh, Việt Nam ling lang năng kăl păng ‘măn tơdrong tơgŭm tih ăn tơdrong pơvei hăm dôm teh đak boăl juăt đơ̆ng sơ̆, lơ̆m noh đei Kazakhstan; bơnê kơ teh đak Kazakhstan hlôi tơgŭm ăn Việt Nam lơ̆m tơdrong tơblăh iŏk rơngei hơdrĕch hơdrung adrol sơ̆ kŭm nhen lơ̆m tơdrong jang pơjing păng atok tơiung teh đak hrei ‘nâu.

Ƀar ‘nu Kơdră chĕp kơ̆l pơma hơdăh tơdrong pơjing ming tơdrong pơvei ‘nao gô tơgop hơmet kơjăp hlŏh dơ̆ng 5 tơdrong pơvei gĭt kăl đơ̆ng 2 teh đak hrei ‘nâu, lơ̆m noh đei: Tơguăt kon bơngai, tơguăt trong jang mŭk drăm, tơguăt tơdrong tơgŭm, tơguăt trong nơnăm păng tơguăt hơdai lơ̆m tơring. 2 ‘nu kơdră chĕp kơ̆l tơchĕng ‘lơ̆ng dôm hơyak tŏk pran lơ̆m tơdrong jang hơdoi mŭk drăm, tĕch mơdro păng tơmât jên jang; pơma hơdăh 2 teh đak đei lơ tơdrong ‘lơ̆ng vă pơm hơtŏk hlŏh dơ̆ng tơdrong jang xa; lui hăm tơdrong pơvei jang hơdoi gĭt kăl ‘nao đei pơjing gô tưk tơiung jơhngâm pran ‘nao ăn tơdrong jang mŭk drăm tơ̆ 2 teh đak, hơnhăk jên tĕch mơdro đơ̆ng 2 păh tŏk truh 2 ‘măng tơ̆ hơnăp kơnh.