Trung tá Nguyễn Văn Từ, Kơdră chĕp kơ̆l Khul K51 dêh char Dak Lăk tơbăt, bơ̆ jang năm tơchă, kôch akŏm kơting ƀô̆ đô̆i lôch dŏng teh đak tơ̆ groi teh kơ teh đak boăl Campuchia tôch mơmat tat, kơ yuơ jơ ‘năr đunh, groi teh hli hlơt păng kơtơ̆ng ang ưh kơ gan hơdăh. Mă lei, hăm hơnăp jang kơtang păng jơhngơ̆m đon ‘mêm kơ eng tôch bach hmach tôch dêh hăm rim ƀô̆ đô̆i lôch dŏng teh đak, kang ƀô̆, ƀô̆ đô̆i Khul K51 oei hơdrin iung jang kơjăp, năm tơchă, kôch akŏm. Đơ̆ng sơnăm 2000 truh dang ei, Khul K51 hlôi kôch akŏm đei 769 kơ̆l ƀô̆ đô̆i lôch dŏng teh đak tơ̆ Campuchia. Pơm lêh pơdong groong ƀŭ ưh khan lăp tơbăt jơhngơ̆m đon ‘mêm tôch bach hmach tôch kơ dêh đơ̆ng Đang ƀô̆, khul kơdră chĕp pơgơ̆r păng kon pơlei rim hơdrung dêh char Dak Lăk, mă oei tơƀôh hơdăh tơdrong ‘lơ̆ng “Nhă đak chăm kơtu”-kiơ̆ yok rok jơ̆ng joăt joe lăng tông nông gia’ ‘mêm kơ eng đơ̆ng hơdrĕch hơdrung Việt Nam.