Hăm hơnăn Drŏ kăn Đak Lăk pơjing tơdrong jang tơplih ‘nao tơchăr păng tơgoăt hơnih mơdro sa, năr lêh pơgơ̆r lơ tơdong nhen: Pơdă, tơƀôh tơbăt tơmam drăm pơm tơlĕch kơ drŏ kăn; pơtôch ‘măng pơlong đon tơchăr pơjing tơdrong jang mơdro sa sơnăm 2023; Hop akŏm Trong tơm mơdro sa chăl 4.0; pôk ăn tơnô̆ tơgŭm djru kon jên tŏk iŏk drŏ kăn pơjing tơdrong jang.

Năr lêh jing jơ ‘năr vă pơmai oh drŏ kăn lơ̆m dêh char tơƀơ̆p dih băl, tơbăt dih băl iung jang pơjing tơdrong jang, tĕch mơdro, atŏk tơ iung mŭk drăm; pôk pơ ư rim drŏ kăn gơ̆h hơgei lơ̆m pơm tơlĕch, tĕch mơdro tơmam drăm. Atŏk kơtang tơgoăt dih băl, tơƀôh tơbăt, pơdă tơmam drăm kơ yuơ dro kăn pơm tơm hơnih pơm tơlĕch tơmam drăm vă pơjing jơhngơ̆m pran păng lang să jơhngơ̆m đon pơjing tơdrong jang ăn rim bơngai lơ̆m khul, đe drŏ kăn.