Sơnăm 2023, kơsô̆ pơjei (PCI) kơ Đắk Lắk đei 64,46 điêm, dơ̆ng mă 51/63 dêh char, plt, tŏk 3,55 điêm păng 9 ƀơ̆k pơting hăm sơnăm 2022. Tơ̆ hop akŏm, bơngai tang măt ăn VCCI roi tơbăt tơdrong vă hơmet pơ ‘lơ̆ng anih tĕch mơdro, năm truh tơdrong jang xa rơgŏh ‘lơ̆ng păng jang tŏk pran kơjăp.

Atŭm hăm ‘nŏh, tơblang hơdăh, hơlen năng găh kơsô̆ pơjei đơ̆ng dêh char păng kơsô̆ jang rơgŏh ‘lơ̆ng sơnăm 2023 lơ̆m teh đak pơma atŭm păng Đắk Lắk pơma hơdrô̆, kŭm nhen roi tơbăt dôm tơdrong kăl păng trong jang ‘lơ̆ng tơ̆ yăn âu đơ̆ng dôm tơring nai mưh hơmet ming anih tơmât jên jang, tĕch mơdro vă Đắk Lắk tơchĕng hơlen jang kiơ̆.