Lơ̆m 6 khei blŭng sơnăm 2024, Anih vei lăng kon pơlei dêh char Dak Lak hlôi pơtruh ăn Jơnŭm pơgơ̆r kon pơlei dêh char tơlĕch ăn 18 Tơdrong tơchơ̆t păng 31 Tơchơ̆t hla ar chih khôi luơ̆t. Dang ei đĭ đăng 19 tơdrong jang pơm hla ar hành chính găh gơh hơmet pơ ‘lơ̆ng đơ̆ng 19 anih jang đei sơng iŏk păng pơdreo hla ar pơm đang tơ̆ Anih jang pơvih pơvăn hành chính teh đak dêh char. Hơdai hăm dôm jơnei iŏk đei, tơdrong jang hơmet ming hành chính tơ̆ Dak Lak oei đei 1,2 tơdrong tam mă ‘lơ̆ng.

Kiơ̆ kơ ƀok Nguyễn Tuấn Hà, Phŏ Kơdră chĕp kơ̆l Anih vei lăng kon pơlei dêh char Dak Lak, vă hơnơ̆ng hơtŏk ‘lơ̆ng tơdrong lăp đon đơ̆ng kon pơlei, pơgơ̆r hăm tơdrong pơvih pơvăn đơ̆ng anih jang hành chính teh đak, dôm tơring kăl kơ hơnơ̆ng hơtŏk ‘lơ̆ng đon hlôh vao ki luơ̆t, jơhngơ̆m đon bơ̆jang pơvih pơvăn ăn kon pơlei đơ̆ng kang ƀô̆, bơngai jang teh đak lơ̆m jang kiơ̆ tơdrong jang teh đak.