Kiơ̆ kơ ‘noh, đơ̆ng ‘năr 1/11 vă jê̆ truh kơnh, Khŭl pơgơ̆r gô sơng iŏk ƀai pơlong đơ̆ng dôm khŭl jang, rim bơngai vang pơlong. ‘Moi kiơ̆ tơdrong pơlong vă hơtŏk ‘lơ̆ng đon hlôh vao đơ̆ng kang ƀô̆, bơngai jang kơ teh đak, kon pơlei, anih mơdro sa....găh tơdrong gĭt kăl, tơdrong ‘lơ̆ng, đei yua mă Tơdrong jang… 06 găh “Hơtŏk tơiung iŏk yua hla ar chih răk kon pơlei oei sa, băt hơdăh hơnăn păng hơlen lăng điện tử pơyua ăn tơplih kơsô̆ teh đak jăl jang 2022 - 2025, lăng truh sơnăm 2030” hơnhăk ăn.

Đơ̆ng noh tơgop jang kiơ̆ dôm hơnăp jang, tơdrong hơgăt đơ̆ng tơdrong jang hlôi tơlĕch ăn. Bơngai vang pơlong ‘noh jĭ dôm khŭl jang, rim bơngai tŏk bŏk hơrih sa, bơ̆jang tơ̆ dêh char Đắk Lắk. Bơngai pơlong chih măt vang pơlong dôm tơdrong jang mă lăp, đei hloi hơnăn tơchĕng tơmam, gơih ƀai pơlong ăn khŭl pơgơ̆r pơlong hơdrol kơ ‘năr 30/11/2024. Tơchĕng hơdrol, pơtôch tơdrong pơlong gô đei roi tơbăt hơdăh lơ̆m pơjao tơmam hơpăh lơ̆m khei 12/2024.