Tơ̆ hop akŏm, dôm bơngai tang măt hlôi đei bơngai jang tơroi tơbăt tơroi 2 tơdrong jang: Dôm tơdrong atŭm găh tơroi tơbăt trong jang tơgŭm đei ƀơm ‘lơ̆ng tih truh tơpôl lơ̆m kơplăh pơjing hla ar hơgăt khôi luơ̆t păng tơdrong băt hơdăh hla ar chih ming tơdrong tơgŭm kăl kơ tơroi tơbăt; Tơdrong jang tơdrong tơlĕch jang kiơ̆ tơroi tơbăt hla ar chih ming trong jang tơgŭm kiơ̆ Tơdrong jang “Pơgơ̆r tơroi tơbăt trong jang tơgŭm đei ƀơm ‘lơ̆ng tih truh tơpôl lơ̆m kơplăh pơjing hla ar hơgăt khôi luơ̆t jăl jang 2022 – 2027” păng hơnăp jang, trong jang bơ̆jang kiơ̆ tơ̆ hơnăp kơnh.

Hơdai hăm ‘noh, bơngai tang măt oei đei răp mơ̆ng păng pơma dơnuh găh tơdrong băt pơjing hla ar chih răk tơroi tơbăt hla ar chih ming trong jang tơgŭm păng tơdrong băt tơroi tơbăt hla ar chih ming trong jang tơgŭm lơ̆m dôm hla ar tơroi, lơ̆m trang mạng .... Bơngai tang măt păng bơngai tơroi tơbăt oei pơma dơnuh lơ tơdrong gĭt kăl lơ̆m kơplăh tơlĕch jang kiơ̆ hơnăp jang tơ̆ tơring. Kiơ̆ đơ̆ng noh, dôm tơdrong mơmat tat, tơhlăk tơhlĭn đơ̆ng dôm bơngai tang măt kŭm đei bơngai tơroi tơbăt tơblang, pơtho hơdăh.