Kiơ̆ kơ ‘nŏh, ƀok Đinh Xuân Hà, Kơdră Anih tơlĕch nơ̆r sơkơ̆t tơmât jên jang dêh char iŏk jang kơ chư̆k pơm Kơdră Anih dăr lăng kơ dêh char. Ƀok Võ Ngọc Tuyên, Bí thư đảng apŭng Lắk pơm Kơdră Anih tơlĕch nơ̆r sơkơ̆t tơmât jên jang dêh char.

Pơma tơ̆ jơ bơ̆ jang, Kơdră vei lăng kon pơlei dêh char Đắk Lắk hơpơi ‘mĕh, hăm kơchư̆k jang ‘nao, 2 ‘nu ƀok athei hơnơ̆ng vei kơjăp đon jang chinh trĭ, hơtŏk đon jang tơnăp, gơ̆h hơgei đơ̆ng kơdih; hơnơ̆ng adrin hŏk pơhrăm, adrin jang; pơjing tơdrong pơvei ‘lơ̆ng hơiă vă kŭm hăm khul grŭp bơ̆ jang đei jơnei ‘lơ̆ng tơdrong jang đei pơjao, dôm tơdrong hơgăt đei tơlĕch; pơjing anih jang roi đunh roi tŏk pran. Pơma ƀât iŏk tơdrong jang ‘nao, Kơdră ‘nao chĕp kơ̆l Anih dăr lăng kơ dêh char Đinh Xuân Hà păng Kơdră ‘nao kơ Anih tơlĕch nơ̆r sơkơ̆t tơmât jên jang Võ Ngọc Tuyên tơƀôh đon hơiă mưh đei lui, pơjao ăn tơdrong jang ‘nao.