Sơnăm 2022, akŏm đĭ đăng jên thu mong ăn tĕh đak đơ̆ng dêh char Đắk Lắk đei hlŏh 8.900 ti, iŏk đei hlŏh 141% tơdrong hơgẳt đơ̆ng Trung ương pơjao, 119% tơdrong hơgăt đơ̆ng Jơnŭm pơgơ̆r kon pơlei dêh char pơjao, tŏk hlŏh 30% pơtêng hăm khei âu sơnăm 2021. Lơ̆m nŏh, thu thuê̆, jên nôp yoa Anih thuê̆ vei lăng thu đei hlŏh 5.800 ti, iŏk đei hlŏh 127% pơtêng hăm kơsô̆ Trung ương pơjao păng tŏk hlŏh 15% pơtêng hăm kơsŏ mă Jơnŭm pơgơ̆r kon pơlei dêh char pơjao.

Vă jang đei ‘lơ̆ng thoi âu, ‘ngoăih kơ tơdrong adrin đơ̆ng anih thuê̆, oei đei hloi tơdrong tơgop tih tên đơ̆ng dôm khul grŭp, rim bơngai hôp thuê̆. 235 khul grŭp, lơ bơngai nôp thuê̆ tôm ‘lơ̆ng đei Anih tơm vei lăng jên hu, Anih vei lăng kon pơlei dêh char, Anih tơm iŏk thuê̆ păng Anih thuê̆ dêh char Đắk Lắk pôk pơ ư, hơpăh tơmam tơ̆ Hop akŏm, ‘nŏh jĭ tơdrong vă chih tơbăt dôm tơdrong tơgop ‘lơ̆ng đơ̆ng đe sư.