Dak lak: Pôk pơ ư 56 khŭl tơpôl, bơngai jang hơgei hloh pơjing tơring sơlam
Thứ bảy, 10:06, 27/01/2024
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VVOV4.Bahnar - Kơsơ̆ brei (26/1), tơ̆ pơlei tơm Buôn Ma Thuột, Anih vei lăng kon pơlei dêh char Dak Lak pơgơ̆r pơtôch 5 sơnăm bơ̆jang “Năr đĭ đăng kon pơlei vei lăng tơring sơlam” păng pôk pơ ư 56 khŭl jang, bơngai đei jang hơgei hloh pơjing tơring sơlam pran kơjăp, jăl jang 2019 -2024.
Đăm sơnăm âu ki, Dôm kơ đông lĭnh tơring sơlam, anih jang pơhrăm dêh char Dak Lak hlôi tơgŭm 40 ‘nu hŏk tro đei tơdrong arih sa mơmat tat lơ̆m tơdrong jang “Tơgŭm oh truh tơ̆ hnam trưng” păng “Kon rong kơđông lĭnh tơring sơlam”; pơgơ̆r tơgŭm kon pơlei 8.360 năr jang; pơm man 86 tŏ hnam tơgoăt tơgoăl đei kơjă 8,6 ti hlak jên.
Ƀok Võ Văn Cảnh - Phŏ Kơdră Anih vei lăng kon pơlei dêh char Dak Lak chih iŏk, pôk pơ ư khŭl lĭnh tơring sơlam, kon pơlei tơ̆ tơring sơlam, dôm bơngai, khŭl jang hlôi jang hơgei hloh vang jang pơjing tơring sơlam pran kơjăp jăl jang 2019-2024. Hơtŏk jơnei iŏk đei, ƀok Võ Văn Cảnh pơma hơdăh 1,2 hơnăp jang tơm lơ̆m tơdrong jang vei lăng tơring sơlam tơ̆ hơnăp kơnh.
Viết bình luận