Đơ̆ng rŏng jê̆ 7 khei chơ chă, hăm tơdrong tơgŭm, jang hadoi đơ̆ng jơnŭm pơgơ̆r tơring păng kon pơlei dêh char Mondulkiri (Campuchia), dôm linh lôch tang đei ‘nhăk vih groong ƀŭ tơ̆ Pơsat ƀlŏk tơbăt kơ linh lôch tang tơ̆ dêh char Đăk Lăk. Tôm kơting linh lôch tang noh ưh đei hơnăn, pơlei pơla kiơ ôh.

Khul Kơdră dêh char Đăk Lăk năm akŏm pơdong groong ƀŭ kơting linh lôch tang

Thượng tá Trịnh Ngọc Kiệm, Kơdră Đội K51 (Khul chơ chă sir kôch kơting linh păng bơngai juăt jang Việt Nam lôch tang) ăn tơbăt, pơyan phang sơnăm âu noh kơnê̆ hloh pơtêng hăm dôm sơnăm hơdrol ki, chŏng mă hăm tơdrong tơchơ̆t tơnăp, Khul hlôi chă sir kôch đei kơsô̆ kơting linh lôch tang lơ hloh lơ̆m 5 sơnăm kơ âu.