Tơ̆ dêh char Đắk Lắk dang ei đei hlŏh 13.100 anih tĕch mơdro oei jang xa, tŏk hlŏh 700 anih tĕch mơdro pơting hăm sơnăm 2023. Dôm anih tĕch mơdro tơ̆ Đắk Lắk oei adrin tơplih ‘nao kơmăy kơmŏk, hơtŏk tơdrong răt hơmet kơmăy kơmŏk ‘nao, hơmet ming trong jang xa mă lăp hăm anih tĕch mơdro tơ̆ ‘ngoăih.

Tơ̆ jơ pơm lêh tơbăt 20 sơnăm năr Bơngai tĕch mơdro Việt Nam kŭm hăm pơđou dơ̆ng dôm tơdrong juăt mưh vei lăng, pơgơ̆r jang xa, tĕch mơdro, dôm bơngai tĕch mơdro oei pơma tơƀôh lơ tơdrong hơpơi ‘mĕh păng pơma tơlĕch lơ nơ̆r apinh găh trong pơgơ̆r jang, tơdrong tơgŭm vă jang xa đei yoa ‘lơ̆ng ƀiơ̆. Ƀok Huỳnh Văn Dũng, Kơdră vei lăng Khul tĕch mơdro dêh char Đắk Lắk ăn tơbăt, dôm bơngai tĕch mơdro tơ̆ dêh char tŏk bŏk jing gơng tơƀưh ăn teh đak vă gơ̆h lĕch jang xa hăm apŭng plenh teh.