Vang năm hop akŏm đei kơdră Anih jang Tĕch răt tơmam drăm, Anih Hơtŏk tĕch răt tơmam păng hloh 60 anih jang mŭk drăm, anih jang hadoi, anih asong tơmam drăm kơ 3 dêh char. Tơ̆ hop akŏm, tang măt ăn anih jang tĕch răt tơmam drăm kơ 3 dêh char Đăk Lăk, Trà Vinh păng Sóc Trăng hlôi tơroi gah tơdrong hiôk lơ̆m tơdrong choh jang xa, pơm tơlĕch tơmam drăm, tơdrong kăl jang hadoi vă pơih să tơring tĕch răt tơmam drăm dơnơm kơ tơring.

Tang măt ăn dôm anih jang mŭk drăm, anih jang hadoi adoi tơroi gah tơdrong kăl jang hadoi tĕch răt tơmam drăm. ‘Nguaih kơ hop akŏm, anih jang mŭk drăm kơ 3 dêh char hlôi pơdah lơ tơmam drăm kăp gĭt kơ po, pơma đam gah tơdrong tĕch răt tơmam drăm gơh hiôk hian hloh. Lơ̆m ‘măng âu, đei 29 hla bar chih pơkăp jang hadoi tĕch răt tơmam drăm đơ̆ng dôm anih jang mŭk drăm, anih jang hadoi păng anih asong tơmam drăm kơ 3 tơring hlôi đei kĭ.