Đảng ƀô̆ dêh char Đắk Lắk dang ei đei 20 đảng ƀô̆ găh Anih chĕp kơ̆l đảng dêh char, 843 anih jang đảng, hăm hlŏh 83.000 ‘nu đảng viên. Hăm ƀĕnh jơhngâm đon lui yom, dôm bơngai tang măt chă pơđou dơ̆ng tơdrong juăt ‘lơ̆ng đơ̆ng sơ̆, tơdrong pơjing đei Chi bộ Cộng sản mă blŭng lơ̆m dêh char, dang ei ‘nŏh jĭ Đảng ƀô̆ dêh char Đắk Lắk.

Kŭp kơ̆l pơyơ̆r pơkao, sŏh plang nhang ƀlŏk hơdơ̆r truh đe linh kăch mang hlôi lôch tang tơ̆ âu. Ƀok Lại Đức Đại, Phŏ Kơdră Anih vei lăng jŏh ayŏ kơ dŏ xoang, tơplŏng kơdâu păng chă tơmang lăng Đắk Lắk, anih vei lăng Hnam phak so Buôn Ma Thuột ăn tơbăt, lơ̆m ‘năr 23/11 rim sơnăm, dêh char Đắk Lắk hơnơ̆ng pơgơ̆r Soh plang nhang ƀlŏk hơdơ̆r tơ̆ Hnam phak âu, vă tơƀôh jơhngâm đon ‘mêm bơnê tôch pơnĕh hăm rim jơhnơr năm hơdrol hlôi lôch tang sĕk kâu vă pơjing păng atŏk tơiung dêh char Đắk Lắk ‘lơ̆ng hơiă nhen hrei ‘nâu.