Lăp đơ̆ng pơgê hrôih, đĭ đei hloh 1.000 ‘nu bơngai jang tơgŭm chih măt vang plang song pham. Kiơ̆ đơ̆ng noh, anih pơgơ̆r jang hlôi sơng iŏk 622 tơpu pham. Yă Ayun H’ Hương, Kơdră Jơnŭm ‘long pơglang ƀrê, Phŏ kơdră Anih pơgơ̆r krao hơvơn plang song pham tơgŭm dêh char Dak Lak tơbăt, pơđĭ kơ sô̆ pham iŏk đei gơih ăn hnam pơgang đa khoa tơring Tây Nguyên vă pơyua ăn kâp kư̆u păng hơmet bơngai jĭ, mă loi ‘noh jĭ lơ̆m năr tết Nguyên đán vă jê̆ truh.

Tơdrong jang Năr pơh brê tơ̆ Dak Lak sơnăm ‘nâu gô pơgơ̆r tơ̆ 5 hơnih ‘noh: Hơnih jang gre păr Buôn Ma Thuột, thị xã Buôn Hồ păng dôm apŭng Krông Pach, Cư M’gar, Krông Năng. Hơdrol ‘noh, lơ̆m dôm ‘năr 4 păng 5/1 âu ki, tơdrong jang pơgơ̆r tơ̆ Hơnih jang gre păr Buôn Ma Thuột păng apŭng Krông Pach hlôi sơng iŏk đei 620 tơpu pham.