‘Nau tơdrong kơtơ̆ng ang kăl lăng truh đei tơroi tơbăt tơ̆ Hop akŏm Pơtôch tơdrong jang sơnăm 2023 kơ Hơnih vei lăng Mơdro sa dêh char Dak Lăk.

‘Ngoăih dôm tơmam drăm joăt hjoe, đei tĕch mơdro lơ tơ̆ teh đak đe nhen chehphe, tiu, ksu, plei ‘long găr sơlơ̆k, dôm tơmam drăm choh jang sa hle nhen sâu riêng, măk ka hlôi tŏk kơtang đei jing tơmam drăm tĕch mơdo tơ̆ teh đak đe kăl hlŏh lơ̆m sơnăm 2023. Sơnăm 2024 đei tơdra hơdrol gô tơƀơ̆p tơnap tap păng long, hơnih jang vei lăng Mơdro sa Dak Lăk xơkơ̆t hơdăh gô hơnơ̆ng hơdrin păng atŏk kơtang bơ̆ jang; pơ̆ih să rim tơdrong jang tơƀôh tơbăt, pơtrŭt, tơchă hơnih răt iŏk ‘nao adoi hơnơ̆ng hơmet pơ ‘lơ̆ng tơdrong jang, pơjing rơvơn ăn rim hơnih mơdro sa ƀônh đei sơng iŏk đei tơdrong jang tơgŭm djru ‘lơ̆ng hơ iă.