'Măng pơlong tôt ngĭp THPT sơnăm 2023 gô vă pơgơ̆r đơ̆ng năr 27 truh năr 29/6/2023. Xơnăm âu, Đăk Lăk đei hloh 21.100 bơngai pơlong chih măt pơlong, lơ̆m noh đei hloh 610 'nu kơdih chih măt pơlong. Dêh char Đăk Lăk pơtoi axong 32 anih pơlong tơm hăm 886 lăm pơlong lơ̆m 15 apŭng, thĭ xăh păng pơlei tơm. Tơ̆ 'măng hop akŏm tơlĕch tơdrong jang hơmet pơgơ̆r Pơlong xơnăm 2023, 'năr brei (22/5). Pơma ăh hop akŏm, yă H’Yim Kđoh – Phŏ Kơdră Anih jang vei lăng kon pơlei dêh char Đăk Lăk, Kơdră Jơnŭm pơgơ̆r pơlong kơ dêh char pơkăl, rim jăl jang, rim tơring athei hơtŏk kơjăp jang hadoi, kơchăng tơlĕch trong pơlong hơdăh, tơnăp, vei xơđơ̆ng ăn 'măng pơlong gơh đei jơnei trŏ nhen tơchơ̆t tơlĕch.