Dak Lăk tơƀơ̆p muh măt tơbăt năr Ƀok thây kô Việt Nam
Thứ ba, 10:52, 21/11/2023
VOV Tây Nguyên/Amazưt tơblơ̆
VOV Tây Nguyên/Amazưt tơblơ̆
VOV4.Bahnar - Ƀlep lơ̆m năr tơbăt 41 sơnăm năr Ƀok thây kô pơtho Việt Nam 20/11, pơgê năr 20/11, Hơnih vei lăng hnam trương pơtho pơhrăm dêh char Dak Lăk pơgơ̆r Tơƀơ̆p muh măt rim jơhnơr kơdră chĕp pơgơ̆r Hơnih jang pơtho pơhrăm păng rim ƀok thây kô pơtho gơ̆h hơgei lơ̆m sơnăm hŏk 2022 – 2023.
Tơ̆ jơ tơƀơ̆p, rim kơdră tang măt hlôi pơma dơnuh dih băl găh tơdrong joăt joe Năr Ƀok thây kô pơtho Việt Nam (20/11), tơbăt dơ̆ng dôm tơdrong tơgop đơ̆ng rim ƀok thây kô pơtho lơ̆m teh đak pơma atŭm, rim ƀok thây kô hlôi păng tŏk bok jang tơ̆ Dak Lăk pơma hơdrô̆ lơ̆m tơdrong jang “pơjing bơngai”.
Hăm hơnăp jang kơtang, tơnăp hăm tơdrong jang kơdih, rim ƀok thây kô pơtho tơ̆ Dak Lăk hlôi đei lơ tơdrong hơdrin lơ̆m bơ̆ jang, adoi hơdrin hŏk pơhrăm ming hơdih găh tơdrong jang. Lơ ƀok thây kô hlôi iŏk đei jơnei kơtang lơ̆m rim ‘măng pơting dih băl, rim ‘măng pơting ƀok thây kô pơtho hơgei.
Viết bình luận