Tơ̆ hop akŏm, bơngai tang măt dôm anih jang hlôi tơroi dôm nơ̆r pơma tơblang, tơlĕch jang hơnăp jang, trong jang găh anih jang, tơdrong jang đơ̆ng anih jang kơdih răp hơlen vă tơgŭm anih mơdro sa. Lơ̆m noh đei dôm trong jang nhen: kăt tơ jur jên ăn anih mơdro sa, hơtŏk tơdrong gơh iŏk yua jên đơ̆ng dôm jên tơgŭm; hơmet pơ ‘lơ̆ng kơ tĕch tơdrong pơtruh tơmam, tơgŭm anih mơdro sa pơih să anih mơdro sa; pơm tơdrong hiôk, sơđơ̆ng tơdrong jang ăn bơngai jang.

Hơdai hăm ‘noh, Hop akŏm oei akŏm pơma dơnuh găh dôm trong jang vă tơgŭm anih mơdro sa tơplih ‘nao, hơtŏk ‘lơ̆ng tơmam drăm; pơtrŭt tơplih kơ sô̆ lơ̆m anih mơdro sa păng hơtŏk tơiung anih mơdro sa kơmăy kơmŏk; tơgŭm pơjing păng hơtŏk tơiung dôm trong jang hơdai pơm tơlĕch, tĕch tơmam.