Ƀok Phan Xuân Bách, Kơ iĕng Kơdră chĕp pơgơ̆r Hơnih vei lăng tơdrong vă jang tơmơ̆t jên jang ming man trong gre nơnăm păng choh jang sa dêh char Dak Lăk tơbăt, đơ̆ng rŏng lơ ‘măng pơtruh nơ̆r hơpĭnh, vă đĭ khei 10/2023, Hơnih tơm vei lăng Trong gre nơnăm hlôi đei tơdrong tơchơ̆t hơmet ming trong jang kơ Tơdrong vă jang ming man trong gre Hồ Chí Minh jăl trong ver găh hơlĕch pơlei tơm Buôn Ma Thuột. Kiơ̆ kơ ‘noh, akŏp kon jên tơmơ̆t jang đei hơmet ming đơ̆ng 1.500 ti tŏk truh 1.841 ti hlak jên.

Kon jên 341 ti đei tŏk dơ̆ng găh lơ tơmơ̆t lơ̆m iŏk tơvih teh. Lăp đơ̆ng rŏng đei ăn tôm kon jên tơmơ̆t jang, tơngla tơmơ̆t jên jang hlôi pơrô̆ athei rim hơnih ƀơm truh iung jang kơtang, iŏk tơvih tĕh răh, ming man răh vă keh đang tom ƀlep tơdrong pơkăp lơ̆m sơnăm 2024.