Hăm hơnăn “Bơngai Việt năm tơmang pơhiơ̆ Việt - Việt Nam ĭnh hưch hanh hơmanh bơnê”, lơ̆m pơyan tơmang pơhiơ̆ khei pơyan sơnăm au, hơnih jang tơmang pơhiơ̆ dêh char Dak Lăk atŏk kơtang tơƀôh tơbăt um rup “Dak Lăk -Hơnih truh sơđơ̆ng, ‘lơ̆ng hơ iă, phăl hơlăng joăt joe Tây Nguyên” truh hăm tơmoi.

Tơgĕch lơ̆m trang mạng tơpôl, rim ‘măng Jơnŭm kơchơ pơdă găh tơmang pơhiơ̆ vă lang să tơchă tơmoi năm tơmang lăng. Dêh char jei akŏm pơgơ̆r lơ tơdrong joh ayŏ kơdŏ soang, kơ̆m kang kơnang giĕng, pơm lêh th păng joăt joe nhen: pơgơ̆r tôn chĭng chêng Ang jơva bri kông; pơm lêh sâu riêng Krông Pach ‘măng mă 2. Chĕp pơgơ̆r ‘măng pơlong đă ƀŏng lŏng tơplŏng kơdau lơ̆m teh đak, apŭng plĕnh teh; tơ iung pơjing rim tơmam drăm tơmang pơhiơ̆ gĭt kăl, năm tơmang lăng hơnih gru gra joh ayŏ ‘lơ̆ng liĕm, tơmang pơhiơ̆ pơlei pơla, tơmang pơhiơ̆ cham char, tour tơmang pơhiơ̆ choh jang sa năm tơmang lăng mir pơgar chehphe, sâu riêng, măk ka,. ‘long sa plei păng chă sŏng sa por ‘nhot kon pơlei pai.