Kiơ̆ kơ ‘nŏh, lơ̆m sơnăm 2023, anih jang unh điên vă tơlĕch trong tơplih ming năr chih kơsô̆ jơ unh điên ƀât hơtuch khei ăn 289 rơbâu tơmoi (iŏk đei dang 48,5% akŏm đĭ đăng tơmoi yoa unh điên), ‘nŏh jĭ dôm unh hnam đei năr chih jơ unh điên đơ̆ng ‘năr 16 năm tơ̆ rŏng. Lơ̆m sơnăm 2024, anih jang unh điên vă tơplih ming năr chih kơsô̆ jơ unh điên ƀât hơtuch khei ăn đĭ đăng unh hnam oei đei dơ̆ng.

Đei băt đơ̆ng blŭng sơnăm 2023, anih jang unh điên Đắk Lắk jang đang tơdrong chô̆ hơmet công jơ điên tư păng kơmăy jô̆ hơlen kơdih đơ̆ng hơtăih ăn đĭ đăng unh hnam yoa unh điên, pơm ‘lơ̆ng ăn tơdrong chih kơsô̆ unh điên ƀât hơtuch khei, pơm ăn bơngai ƀônh ƀlŏk, ƀônh hơlen năng. Tơdrong tơplih âu oei vă pơm hơtŏk tơdrong ‘lơ̆ng, đei yoa, rơđăh rơđong, ƀônh hlôh lơ̆m tơdrong vei lăng, jô̆ kơsô̆ unh điên păng pơm hla ar nôp jên điên.