Chă pơlăp, dăng ‘nao 150 km tơlei trung áp, 345 km tơlei hạ áp, 196 hơnih biến áp păng ming hơmet pơ ‘lơ̆ng kơ mơjĭt hơnih biến áp atŭm hăm lơ tơdrong jang anai. Kŏng ty jei akŏm tơmơ̆t jên jang pơm pơkeh kmăi kmŏk tơbăt ăn, kmăi kmŏk tôm mơtĭk pơtruh ŭnh hơyuh ... Hăm iung jang kơtang, lơ̆m 7 khei ou ki, Hơnih jang ŭnh hơyuh Dak Lăk hlôi jang keh đang 20 tơdrong jang, tơlĕch kon jên jang 1/3 trong pơprŏ kon jên jang lơ̆m sơnăm. Rim tơdrong vă jang pơih să, ming hơmet tơlei păng lơ hơnih biến áp hlôi đei tơlĕch jang, tơgŭm pơm sơđơ̆ng pơtruh ŭnh hơyuh, pơjing rơvơn ăn tơdrong atŏk tơ iung mŭk drăm tơpôl. Dang ei, hơnih jang ŭnh hơyuh tŏk bŏk kơrŭn jơhngơ̆m iung jang hơdoi kơtang hăm rim tơring hơmet pơ ‘lơ̆ng rim tơdrong tơhlăk tơhlĭn lơ̆m iŏk tơvih teh vă ming man keh đang dôm tơdrong jang hlôi đei tơmơ̆t jên jang.