Đăk Lăk tơmơ̆t lơ̆m jên mong tam mă hơtŏ 80% pơtêng hăm khei năr âu sơnăm sơ̆
Thứ năm, 09:05, 19/10/2023
VOV Tây Nguyên/Lan tơblơ̆
VOV Tây Nguyên/Lan tơblơ̆
VOV4.Bahnar – Kơtơ̆ng ang đơ̆ng Hop akŏm Ƀan châ̆p hăn đảng ƀô̆ dêh char Đăk Lăk, lơ̆m 9 khei kơ sơnăm 2023, jên mong tơmơ̆t ăn teh đak đơ̆ng tơring đei hloh 5.500tih hlj, tơjur 22% pơtêng hăm khei năr âu sơnăm sơ̆.
Mă đei iŏk thuê̆ hloh kơ pơkăp, mă lei tơ̆ tơring lơ jên tơmơ̆t mong tơjur hơdah pơtêng hăm khei năr âu sơnăm sơ̆ đei: jên yua teh, thuê̆ đơ̆ng anih jang mŭk drăm teh đak, thuê̆ vei rơgoh cham char, thuê̆ jên khei jang...
Hăm tơdrong âu, ƀok Bùi Văn Chuẩn – Kơdră Anih jang thuê̆ dêh char Đăk Lăk ăn tơbăt, sơnong jang tơm kơ anih jang thuê̆ vă đei jơnei tơmơ̆t jên mong kơ sơnăm 2023 noh hơlen jên tơmơ̆t, hơtŏk dôm trong jang vă iŏk hre, tơlĕch dôm trong jang tang găn yua hoă đơn glăi, atŭm hăm noh tơlĕch tơgŭm nhen pơdui khei năr kla hre, tơjur jên vă anih jang mŭk drăm găn hloh tơnap tap.
Viết bình luận